Bayern Munich 1-2 Real Madrid: Ronaldo kanyuka 2 afunga goli la 100 UEFA

Christiano Ronaldo ameisaidia timu yake ya Real Madrid kupata ushindi wa goli 2 kwa 1 katika dimba la Alliance Arena dhidi ya wenyeji wao Bayern Munich katika mchezo wa robo fainali ya michuano ya mabingwa ulaya.
Katika ushindi huo,Ronaldo ameweka rekodi ya kufikisha idadi ya magoli 100 katika michuano hiyo ya Ulaya.
Bayern Munich ndiyo iliyoanza kupata goli kupitia kwa kiungo wao Arturo Erasmo Vidal baada ya kuunganisha krosi ya Thiago Alcantara kwa mpira wa kichwa wenye kasi mithili ya risasi na kumshinda mlinda mlango Kylo Navas.
Kunako dakika ya 45 kipindi cha kwanza, Bayern Munich walipata penati baada ya kudhaniwa kuwa Dani Carvajal aliunawa mpira eneo la 18.
Ronaldo aliipatia Real Madrid goli la kusawazisha mapema kipindi cha pili dakika ya 47 kabla ya kuhitimisha karamu ya ushindi dakika ya 77 akiunganisha mpira ulioingizwa kutoka winga ya kushoto na Marco Asensio.
Baada ya ushindi huo, Real Madrid ambao ndio mabingwa watetezi wamejiweka katika nafasi nzuri ya kutinga hatua ya nusu fainali katika mechi ya marudiano katika uwanja wao wa nyumbani wa Santiago Bernabeu mjini Madrid siku ya jumanne tarehe 18/4/2017. Hii ni kutokana na ushindi walioupata pamoja na faida ya magoli mawili ya ugenini.

Christiano Ronaldo akishangilia goli na Marco Asensio

Comments

Wajue Wafungaji bora wa EPL kwa kila timu inayoshiriki sasa

1. CHELSEA - Frank Lampard -147 Lampard ndiye anayeshikilia rekodi ya mfungaji bora wa Chelsea wa muda wote yaani tangu (Chelsea) ilipoanzishwa akitupia kambani magoli 211. Alisajiliwa akitokea West ham mwaka 2001 na kwa sasa ni moja kati ya mashujaa wa kubwa wa klabu ya Chelsea. Alifunga goli la kwanza la Premier League akiwa na Chelsea December 23, 2001. Goli la mwisho alilifunga 05 April 2014. 2. TOTTENHAM - Teddy Sheringham - 98 Teddy Sheringham anafahamika kama "Legend" wa Tottenham Hotspurs pamoja na kuvichezea vilabu takribani 10 vya nchini uingereza ikiwemo Manchester United na West ham United. Alisajiliwa na Tottenham akitokea Nottingham Forest mwaka 1992 na alisajiliwa na Man United 1997 kabla ya kurejea tena Tottenham 2001. Aliifungia Spurs goli la kwanza tar.02.september 1992 na la mwisho tar. 21 April 2003 kabla hajatimkia Portsmouth 3. MANCHESTER CITY - Sergio Aguero -120 Akiwa amesaliwa na magoli 10 tu kuwa mfungaji bora wa historia wa M...

Liverpool kuwakumbuka 96 waliokufa janga la Hillsborough: Ifahamu zaidi "HILLSBOROUGH DISASTER"

Familia ya wana Liverpool FC wakiwemo wakiwemo mashabiki, wachezaji, Viongozi wa timu pamoja na wanafamilia na wahanga wa janga la Hillsborough (Hillsborough Family Support Group -HFSG) wataungana leo katika maadhimisho ya kuwakumbuka wapendwa wao waliofariki tarehe kama ya leo miaka 28 iliyopita wakiwa uwanjani. Tukio hilo maarufu kama "HILLSBOROUGH DISASTER 96" lilitokea katika mchezo wa nusu fainali ya mwaka 1988-1989 kati ya Liverpool na Nottingham Forest katika uwanja wa Hillsborough .Katika tukio hili watu 96 walifariki dunia na wengine 766 kujeruhiwa na kuacha kumbukumbu mpaka leo yakuwa ni janga kubwa la kimichezo kuwahi kutokea katika hisporia ya michezo Uingereza. Chanzo cha tukio hili ni amri ya kimakosa ya Afisa polisi ambaye ni mkuu wa siku hiyo Police David Duckenfield iliyoamuru geti la kuingia uwanjani lililojulikana kama Geti "C" kufunguliwa angali nje kulikuwa na idadi kubwa ya mashabiki waliokuwa wakishinikiza kuingia ndani. Baada ya geti hi...

TIMU YA LIGI DARAJA LA KWANZA UINGEREZA YAPANDA DARAJA KWA MARA YA KWANZA

Brighton & Hove Albion imefanikiwa kupanda daraja na hivyo kushiriki ligi kuu ya uingereza msimu ujao baada ya kujikusanyia jumla ya point 79 katika michezo 43 iliyokwisha cheza mpaka sasa ikiwa imesalia michezo 3. Brighton Albion inayonolewa na kocha wa zamani wa Birmingham City na Norwich City, Chris Hughton itakuwa ni timu ya 48 kushiriki ligi kuu ya uingereza baada ya kupata ushindi wa magoli 2-1 dhidi ya Wigan Athletics siku ya jumatatu. Kwa upande wake kocha Hughton amesema kuwa anajivunia namna ambavyo timu hiyo walivyojirudi kwa kasi kufuatia hali ya msimu. Aidha ameongeza kuwa kuweka nguvu zao kwa pamoja hadi kufikia hatua hii sio jambo rahisi, na wanahitaji kila aina ya pongezi. Brighton walinusa nafasi ya kucheza ligi kuu ya uingereza msimu uliopita baada ya kuwa katika ushindani mkubwa na kujikuta wakipoteza nafasi hiyo kwa tofauti ya magoli ya kufungwa na kufunga dhidi ya Barnely kufuatia matokeo ya sare waliyoyapata dhidi Middlesbrough. Kufuatia ushindi huu ...

RADA YETU SPORTS

Search This Blog