Kipa wa Chelsea Asmir Begovic atimkia FC Bournemouth

Klabu ya FC Bournemouth imemsajili kipa Asmir Begovic kutoka Chelsea kwa ada ambayo bado halijawekwa wazi mpaka sasa.
Chelsea ilimsajili Begovic kutoka Stoke City alikoitumikia kwa mafanikio kwa kucheza jumla ya mechi 160 huku pamoja na kucheza nafasi hiyo, alibahatika kuifungia Stoke goli moja ambalo ndio pekee katika michezo 259 aliyoshuka uwanjani na vilabu mbali mbali.
Begovic (29) anaenda kuitumikia Bournemouth kwa mara ya pili akiwa ameshawahi kuichezea kwa mkopo akitokea klabu ya Portsmouth mwaka 2007.

Pamoja na dau hilo kutowekwa wazi, inasemekana kuwa Begovic ameuzwa kwa ada ya paundi mil.10 huku tayari Chelsea ikiwa imeanza mbio za kumuwania mlinzi wa PSG Alphonse Areola (24) ili kuziba pengo la Begovic.
Begovic ameichezea chelsea jumla ya mechi 19, tangu aliposajiliwa akitokea Stoke, huku akishindwa kujiimarisha kama kipa namba moja wa chelsea kutokana na chaguo la kwanza kuwa ni mbelgiji Thibaut Courtois.
Baada ya kukamilisha usajili huo, mlinzi huyo kutoka Bosnia na Herzegovina alikuwa na haya ya kusema kupitia ukurasa wake wa twitter.
"Asante wachezaji wenzangu, kocha, wafanyakazi na mashabiki wa Chelsea. Ilikuwa ni faraja kuwa sehemu ya kikosi hiki cha ushindi. Nawatakia mazuri huko mbeleni"
Alisema Begovic kupitia ukurasa wake wa twitter ambapo aliambatanisha na picha za kushangilia ushindi akiwa wachezaji wa chelsea. Pia alituma ujumbe mwingine akisema kuwa anayofuraha kujiunga na FC Bournemouth na anatazamia kujituma kuisaidia timu hiyo.
Begovic anakuwa ni mchezaji wa kwanza kuondoka katika kikosi hicho cha mabingwa wa Uingereza msimu 2016/2017.

Kipa wa zamani wa Chelsea Asmir Begovic akisaini mkataba na klabu ya FC Bournemouth

Begovic akiwa 'amepoz' na skafu ya klabu yake mpya ya Bournemouth baada ya kusaini mkataba

Comments

Wajue Wafungaji bora wa EPL kwa kila timu inayoshiriki sasa

1. CHELSEA - Frank Lampard -147 Lampard ndiye anayeshikilia rekodi ya mfungaji bora wa Chelsea wa muda wote yaani tangu (Chelsea) ilipoanzishwa akitupia kambani magoli 211. Alisajiliwa akitokea West ham mwaka 2001 na kwa sasa ni moja kati ya mashujaa wa kubwa wa klabu ya Chelsea. Alifunga goli la kwanza la Premier League akiwa na Chelsea December 23, 2001. Goli la mwisho alilifunga 05 April 2014. 2. TOTTENHAM - Teddy Sheringham - 98 Teddy Sheringham anafahamika kama "Legend" wa Tottenham Hotspurs pamoja na kuvichezea vilabu takribani 10 vya nchini uingereza ikiwemo Manchester United na West ham United. Alisajiliwa na Tottenham akitokea Nottingham Forest mwaka 1992 na alisajiliwa na Man United 1997 kabla ya kurejea tena Tottenham 2001. Aliifungia Spurs goli la kwanza tar.02.september 1992 na la mwisho tar. 21 April 2003 kabla hajatimkia Portsmouth 3. MANCHESTER CITY - Sergio Aguero -120 Akiwa amesaliwa na magoli 10 tu kuwa mfungaji bora wa historia wa M...

Liverpool kuwakumbuka 96 waliokufa janga la Hillsborough: Ifahamu zaidi "HILLSBOROUGH DISASTER"

Familia ya wana Liverpool FC wakiwemo wakiwemo mashabiki, wachezaji, Viongozi wa timu pamoja na wanafamilia na wahanga wa janga la Hillsborough (Hillsborough Family Support Group -HFSG) wataungana leo katika maadhimisho ya kuwakumbuka wapendwa wao waliofariki tarehe kama ya leo miaka 28 iliyopita wakiwa uwanjani. Tukio hilo maarufu kama "HILLSBOROUGH DISASTER 96" lilitokea katika mchezo wa nusu fainali ya mwaka 1988-1989 kati ya Liverpool na Nottingham Forest katika uwanja wa Hillsborough .Katika tukio hili watu 96 walifariki dunia na wengine 766 kujeruhiwa na kuacha kumbukumbu mpaka leo yakuwa ni janga kubwa la kimichezo kuwahi kutokea katika hisporia ya michezo Uingereza. Chanzo cha tukio hili ni amri ya kimakosa ya Afisa polisi ambaye ni mkuu wa siku hiyo Police David Duckenfield iliyoamuru geti la kuingia uwanjani lililojulikana kama Geti "C" kufunguliwa angali nje kulikuwa na idadi kubwa ya mashabiki waliokuwa wakishinikiza kuingia ndani. Baada ya geti hi...

TIMU YA LIGI DARAJA LA KWANZA UINGEREZA YAPANDA DARAJA KWA MARA YA KWANZA

Brighton & Hove Albion imefanikiwa kupanda daraja na hivyo kushiriki ligi kuu ya uingereza msimu ujao baada ya kujikusanyia jumla ya point 79 katika michezo 43 iliyokwisha cheza mpaka sasa ikiwa imesalia michezo 3. Brighton Albion inayonolewa na kocha wa zamani wa Birmingham City na Norwich City, Chris Hughton itakuwa ni timu ya 48 kushiriki ligi kuu ya uingereza baada ya kupata ushindi wa magoli 2-1 dhidi ya Wigan Athletics siku ya jumatatu. Kwa upande wake kocha Hughton amesema kuwa anajivunia namna ambavyo timu hiyo walivyojirudi kwa kasi kufuatia hali ya msimu. Aidha ameongeza kuwa kuweka nguvu zao kwa pamoja hadi kufikia hatua hii sio jambo rahisi, na wanahitaji kila aina ya pongezi. Brighton walinusa nafasi ya kucheza ligi kuu ya uingereza msimu uliopita baada ya kuwa katika ushindani mkubwa na kujikuta wakipoteza nafasi hiyo kwa tofauti ya magoli ya kufungwa na kufunga dhidi ya Barnely kufuatia matokeo ya sare waliyoyapata dhidi Middlesbrough. Kufuatia ushindi huu ...

RADA YETU SPORTS

Search This Blog