RADA YETU SPORTS

Enzo Zidane akielekezwa jambo na baba yake Zinadine Zidane akiwa Real Madrid. Klabu ya Alaves imemsajili Enzo Zidane mtoto wa kocha wa Real Madrid Zinadine Zidane na atasaini mkataba wa miaka mitatu kuitumikia klabu hiyo ya La Liga. Enzo mwenye miaka 22, ameruhusiwa kuondoka na baba yake (Zidane) baada ya kukosa namba katika kikosi cha kwanza. Anaondoka Real Madrid akiwa amefanikiwa kuifungia goli moja tu katika mechi ya Copa del Rey dhidi ya Leonesa katika ushindi wa magoli 6-1. Enzo amekulia Madrid tangu utoto wake na kuondoka kwake kunatazamiwa kuwa ni njia ya kumpa nafasi ya kupata uzoefu zaidi kwa kumtafutia timu ambayo huenda akapata nafasi ya kuonyesha kiwango chake.

Kocha wa Preston North Simon Grayson anatajwa kuweza kuchukua mikoba ya David Moyes katika klabu ya Sunderland. Sunderland ambayo ilishika nafasi ya 20 katika msimamo wa ligi kuu EPL na kushuka daraja, ilimtimua aliyekuwa kocha wa timu hiyo, David Moyes baada ya mwenendo huo mbovu. Habari zinasema kuwa uongozi wa Sunderland upo katika mazungumzo ya kumpa kibarua kocha huyo mbali na Preston, ameshawahi pia kuzifundisha Leeds United, Huddlesfield Town na Blackpool. Endapo Grayson atachaguliwa kuwa kocha wa Sunderland, kutaifanya timu hiyo kuwa imefundishwa na makocha 10 tofauti katika kipindi cha miaka 10, huku makocha wote hao hawajafikisha zaidi ya mechi 100 za ligi waliz0ifundisha timu hiyo.

Mshambuliaji raia wa Ufaransa Anthony Martial amevunja ukimya juu ya uvumi uliozagaa kuwa ameitaka Manchester United kumruhusu aondoke. Hali hiyo imekuja kufuatia taarifa zilizozagaa kuwa Martial amedai kutaka kuondoka na amewasilisha maombi yake kwa timu yake hiyo. Martial mwenyewe ameamua kufunguka kupitia ukurasa wake wa twitter kuwa habari hizo si za kweli. Martial ameposti maneno machache kwa lugha ya kifaransa yaliyosomeka "fununu ni za uongo" (Les rumeurs sont fausses)

Everton imekamilisha usajili wa mshambuliaji Henry Onyekuru kutoka KAS Eupen ya Ubelgiji kwa ada ya paundi milioni 7. Onyekuru alionyesha kiwango cha kuridhisha msimu uliopita kwa kuifungia Eupen magoli 22 katika michezo 38 aliyoshuka dimbani. Kabla ya kukamilisha usajili huu mchezaji huyu alikuwa akiwaniwa na vilabu vingine vikubwa vikiwemo Arsenal na West Ham. Hata hivyo Mnigeria huyo mwenye umri wa miaka 20 sasa, hatoitumikia Everton kwa kipindi hiki kwani ametolewa kwa mkopo kwenda Anderlecht ya Pro League ambayo ndiyo ligi aliyokuwa akicheza akiwa na Eupen.  

Mchezaji wa Chelsea Betrand Traore amekamilisha usajili wa kujiunga na klabu ya Olympic Lyonkwa ada inayotajwa kufikia paundi milioni 17.5 Traore ameivutia Lyon alipokuwa Ajax kwa mkopo kwa msimu wote ulioisha huku akuonyesha kuwango cha juu, ikiwemo katika mchezo wa nusu fainali ya Ligi ya Europa dhidi ya waajiri wake wapya (Lyon) ambapo aliwafunga magoli mawili. Lyon inaanza kujiimarisha katika safu ya ushambuliaji kufuatia Alexandre Lacazette ambaye ndiye mshambuliaji wao tegemeo kutarajiwa kuondika klabuni hapo katika dirisha hili la usajili.

AS Roma wapo njiani kukamilisha usajili wa beki wa Feyenoord Rick Karsdorp na tayari mchezaji huyo ametua nchini Italy kwaajili ya vipimo vya afya. Roma kupitia ukurasa wao wa twitter, wamethibitisha taarifa za kuwasili kwa mchezaji huyo ambaye ameichezea Feyenoord mechi 101 pamoja na kuwa na umri mdogo wa miaka 22 tu. Karsdorp atakuwa mchezaji wa 3 kusajiliwa baada ya kuwasili kwa Mmexico Hector Moreno kutoka PSV Eindhoven, na baadae Bruno Perez aliyetoka Torino.  

Jose Mourinho akiwa na marehemu baba yake, Jose Manuel Mourinho Felix mwaka 2003 Baba mzazi wa kocha wa Manchester United na mchezaji wa zamani wa Victoria Setubal ya Ureno Jose Manuel Felix Mourinho amefariki dunia. Mzee Mourinho amefikwa na umauti akiwa na umri wa miaka 79. Katika maisha yake ya soka Mourinho amewahi kuzitumikia klabu mbili kubwa za Ureno ambazo ni Victoria Setubal na Belenenses. Kocha wa Manchester United Jose Mourinho ameposti  Mourinho alikuwa akicheza nafasi ya mlinda mlango katika klabu hizo ambapo ameichezea Victoria Setubal tangu 1955–1968 akicheza mechi 143 na Belenenses tangu 1968–1974 akicheza michezo 131. Tofauti na maisha ya uchezaji, Mourinho amewahi pia kuvifundisha vilabu vingi vya Ureno vikiwemo vyote alivyochezea pamoja na Rio Ave, Caldas, Amora, Valzim, Madeira, Leiria, O Elvas na Estrela Portalegre. Kwa mujibu wa ripoti mbali mbali, mkongwe huyo atazikwa kwao nchini Ureno siku ya kesho.

Olympic Marseille inatarajiwa kukamilisha usajili wa Valere Germain kutoka kwa mabingwa wa Ufaransa AS Monaco. Germain ambaye kipaji chake kimekuzwa na timu ya vijana ya Monaco B alianza kuitumikia timu ya wakubwa mwaka 2011 na mpaka sasa ameichezea Monaco mechi 159 na kufunga jumla ya magoli 41.  Mshambuliaji huyo mwenye miaka 27 sasa ameisaidia timu yake ya Monaco kutwaa ubingwa wa msimu uliopita 2016/2017 baada ya kurejea katika kikosi hicho cha  Leonardo Jardim akitokea timu ya Nice ya ligi hiyo aliyoitumikia kwa mkopo ambako alipachika jumla ya magoli 14 katika mechi 38. Kwa msimu huu uliomalizika Germain ameifungia Monaco jumla ya Magoli 10 katika michezo 27 ya ligi aliyoshuka dimbani (jumla magoli 14 katika michezo yote 36)  na kuisaidia pia kutinga hadi hatua ya nusu fainali ya ligi ya magingwa UEFA. Dau la Euro milioni 8 linasemekana kukubaliwa kwa steika huyo aliyeshindwa kutamba mbele ya Kylian Mbappe na Radamel Falcao.

Klabu ya Eintracht Frankfurt ya ujerumani imekamilisha usajili wa kinda wa Cameroon Nelson Mandela. Mandela mwenye miaka 18 anajiunga na klabu hiyo akitoka Hoffenheim na hapo awali alianzia Barcelona kabla kuja Ujerumani akiwa na umri wa miaka 13 huku akitajwa kuwa mchezaji 'lulu' kwa hapo baadae kutokana na uwezo wake. Kinda huyo amejizolea umaarufu makubwa kutokana na kushea jina na Rais wa zamani wa Afrika Kusini na shujaa wa taifa hilo aliyeingoza nchi hiyo kupiga ubaguzi wa rangi dhidi ya watu weusi.

Klabu ya Huddersfield town imekamilisha usajili wake wa kwanza kwa kumnasa mshambuliaji Laurent Depoitre. Depoitre anajiunga na Huddersfield iliyokuwa ikishiriki championship na kufanikiwa kupanda daraja hivyo watashiriki ligi kuu ya EPL msimu ujao. Mshambuliaji huyo mwenye miaka 28 ametokea FC Porto ya Ureno alikoitumikia kwa msimu mmoja tu. Hata hivyo uongozi wa Huddersfield haujaweka wazi ada ya usajili huo ila wamesema kuwa usajili huo umevunja rekodi ya usajili wa gharama kwa klabu hiyo.

Kiungo wa West Ham na timu ya taifa ya Norway  Havard Nordtveit amesajiliwa na klabu ya Hoffenheim inayoshiriki ligi ya Bundersliga, Ujerumani. Mnorway huyo (27) aliyewahi pia kuitumikia Arsena, amekamilisha kujiunga na klabu hiyo kwa ada ambayo bado haijawekwa wazi. Kuuzwa kwa Norditveit kwenye klabu hiyo kunamfanya arejee ujerumani katika ligi aliyoizoea kwani awali West Ham walimsajili akitokea Borussia Monchengladbach msimu uliopita. Tangu asajiliwe na wagonga nyundo hao wa London,  Norditveit amefanikiwa kuingia uwanjani mara 21tu, na kati ya hiyo 15 ikiwa ni ya ligi lakini hajafunga goli hata moja. Hoffenheim imemaliza katika nafasi ya nne(4) katika msimamo wa Bundesliga na hivyo kuwa na nafasi ya kushiriki michuano ya UEFA msimu ujao. Kocha wa timu hiyo Julian Nagelsman na kikosi chake, kitacheza mechi za hatua ya mtoano kabla ya kufuzu kushiriki michuano hiyo ya Ulaya na hivyo anahitaji kuimarisha kikosi chake ili waweze kushinda michezo hiyo na kufu...

Kiungo wa Roma na timu ya taifa ya Misri Mohamed Salah anatarajiwa kupanda ndege binafsi leo jioni kuelekea Uingereza kwaajili ya kufanyiwa vipimo vya afya tayari kujiunga na Liverpool. Ripoti zinasema kuwa Salah anatarajiwa kusaini mkataba na klabu ya Liverpool baada ya Liverpool kufikia dau la Euro milioni 40 pamoja na nyongeza ya Euro mil. 5 ambapo jumla yake ni sawa na Paundi milioni 39.5. Kwamujibu wa mwaandishi wa habari Hady Elmedany , Salah anatarajiwa kutua katika jiji la London akitokea Cairo majira ya saa 3:05 usiku. Liverpool imekuwa ikimuwania Salah tangu kumalizika kwa ligi kuu mwezi May huku baadhi ya ofa zao zikikataliwa na Roma mara kadhaa, pamoja na Salah kuwa tayari kutua Anfield.

Kwa mujibu wa gazeti la Ubelgiji HLN mlinda lango wa Newcastle United Matz Sels amekamilisha zoezi la kufanyiwa vipimo katika klabu ya Anderlecht tayari kwaajili ya kujiunga na miamba hiyo kwa mkopo. Inaelezwa kuwa kipa huyo atakuwa analipwa paundi milioni 25,000 kwa wiki katika kipindi chote atakachokuwa anaitumikia klabu hiyo. Sels (25) ambaye ni Mbelgiji anarejea katika ardhi yake ya nyumbani ikiwa alishaitumikia klabu ya Gent kabla ya kununuliwa na Newcastle. Kocha wa Newcastle Rafael Benitez anampango wa kufanya maboresho katika kikosi chake baada ya kupanda ligi kuu ndio maana anapunguza baadhi ya wachezaji ili kutunisha mfuko na kuongeza wachezaji wapya. Tayari Newcastle inafukuzia sign ya Willy Caballero aliyeachiwa huru na Man City, pamoja na Pepe Reina aliyewahi kufanya kazi na Benitez wakiwa Liverpool.  

Imeripotiwa kuwa mshambuliajiwa Borussia Dortmund Piere-Emerick Aubameyang, yupo tayari kuungana na kocha wake wa zamani Jugen Klopp katika kikosi cha Liverpool. Klopp ndiye aliyemsajili staa huyo mwaka 2013 akitokea St Etienne ya Ufaransa wakati akiifundisha Dortmund. Aubameyang anayetaka kuondoka Dortmund msimu huu anathaminishwa kwa ada ya kuuzwa, kufikia paundi milioni 61 na endapo Liverpool watatoa kiasi hicho, watainasa saini ya mshambuliaji huyo wa Gabon. Klopp anahitaji kuimarisha kikosi chake katika dirisha hili la usajili kabla ya kuanza kwa msimu ujao wa 2017/2018 huku Liverpool ikikabiliwa na michuano ya UEFA endapo watafuzu hatua ya mtuano. Tangu kuondoka kwa Luis Suarez, Liverpool haijapata mshambuliaji (Goal Machine) mwenye uwezo wa kuihakikishia Liverpool magoli zaidi ya 20 hasa baada Daniel Sturrige kuandamwa na majeruhi ya mara kwa mara. Usajili wa Mario Baloteli, Paul Lambert na Christian Benteke haukufua dafu kwa washambuliaji hao kushindwa kufunga hata m...

Cristiano Ronaldo akiwa na Kocha wake wa zamani Sir. Alex Ferguson baada ya kukabidhiwa tuzo ya mchezaji bora wa mechi ya fainali ya UEFA. Mchezaji bora wa Dunia kwa sasa Cristiano Ronaldo huenda akabadilisha upepo wa usajili kwa klabu ya Manchester United kufuatia uvumi unaosema kuwa amedai kutaka kurudi Old Traford. Habari hii imeanza kuonekana kuleta mabadiliko kwa Manchester United kwani mpaka sasa wameonekana kusitisha mipango yao mingine ya usajili. Man U walikuwa katika hatua nzuri ya kumuwania Alvaro Morata kutoka hapo hapo Madrid na ilisemekana usajili huo ungekamilika msimu huu na mchezaji huyo kufanya vipimo vya afya. Baada ya tetesi za Ronaldo kutaka kurejea katika klabu hiyo, kumezima habari hizo za Morata huku, mapema leo hii habari zikisema kuwa Chelsea wako mbioni kuteka usajili wa Staa huyo. Mfululizo wa habari kumhusu Ronaldo umeenda mbali zaidi baada ya jarida la Marca kuripoti kuwa Ronaldo amemtaka wakala wake Jorge Mendes kuhakikisha anafanikisha kumrejesha...

Na Walter Stephan. Olympic Lyon imefanikiwa kumsajili mlinzi wa pembeni kutoka Benfica Fernando Marcal kwa ada ya Euro milioni 4.5 Marcal mwenye miaka 28 amemaliza msimu uliopita katika ligi ya Ufaransa alipokuwa akiitumikia Guingamp kwa mkopo akitokea Benfica. Pamoja na kucheza katika nafasi ya ulinzi, Mbrazili huyu amejizolea sifa kutikana na uwezo wake wa kutoa pasi za mwisho. Kwa msimu uliopita Marcal ametoa jumla ya pasi 7 zilizozaa magoli katika michezo 31 aliyoanza na klabu hiyo ya Ufaransa ambao ni mahasimu wa Lyon. Marcal ni zao la klabu ya Gremio ya Brazil na amepitia timu kadhaa zikiwemo Guaratinguetá,Torreense, na baadae Nacional ya Ureno kabla ya kusajiliwa na Benfica 2015. Katika klabu ya Benfica, Marcal hakufanikiwa kupata nafasi na alitolewa kwa mkopo Gaziantepspor ya Uturuki kwa msimu wa 2015-2016 na baadae Guingamp 2016-2017.

Manchester United na Staa wa Real Madrid Alvaro Morata wamekubaliana juu ya kuhamia katika kikosi hicho cha Jose Mourinho. Mazungumzo yamesalia tu kati ya klabu hizo mbili kuona kama ofa ya Manchester itaafikiwa na Real Madrid, rasmi kwa staa huyo kutimka Bernabeu.  Morata ambaye alikuwa na shauku ya kukihama kikosi cha Real Madrid kutokana na kukosa namba ya kudumu, amefikia hatua nzuri na Manchester huku Los Blancos wakimthaminisha Morata kufikia dau la paundi milioni 78. Alvaro Morata ambaye ni zao la familia hiyo ya Madrid almaarufu Los Blancos aliwahi kuihama Madrid mwaka 2014 na kutimkia Juventus ambako aliitumikia kwa miaka 2 kabla ya kurejeshwa tena katika kikosi hicho kwa Euro milioni 30 mwezi June 2016. Ofa ya awali ya Manchester United kwa mshambuliaji huyo iliyofikia paundi milioni 52 ilikataliwa na Madrid na sasa Mashetani hao wekundu wameonyesha nia ya kusajili mchezaji huyo kwakuongeza ofa hiyo. Mpaka sasa Manchester United imeweka mezani ofa ya Paundi milioni ...

Leicester City imefanikiwa kuinasa saini ya mlinzi kutoka Hull City Harry Maguire (24) kwa ofa ya paundi Milioni 17. Maguire amesaini mkataba wa miaka mitano wa kuitumikia Leicester ambao walikuiwa mabingwa wa mwaka jana. Baada ya kumwaga wino King Power, Maguire alikuwa na haya yakusema:  "Ni vilabu vingi vimekuwa vikinihitaji lakini baada ya kukutana na Kocha wa hapa (Leicester) ameonekana kubebana vizuri sana na uelekeo wa klabu. Leicester inakuja juu na inaonyesha mwelekeo mzuri kwa siku za usoni". Dili hili linatarajiwa kuinufaisha pia Sheffield United ambayo ni timu ya zamani ya mlinzi huyo kutokana na makubaliano ya kwenye mkataba wa kuuzwa kwake ambapo, Sheffield watanufaika kwa asilimia 10% Maguire anaenda kugombania namba na mabeki wawili wa kati ambao ni Wes Morgan na Robert Huth waliofanikiwa kuunda ukuta mgumu kwa wapinzani kuupenya hapo Leicester. Hata hivyo ni kutokana na ya majeruhi inayowakabili wawili hao, hususani Morgan, ndiyo chachu iliyowa...

Timu ya Everton ipo njiani kukamilisha usajili wa mshambuliaji kutoka Malaga Sandro Ramirez kwa ada ya paundi milioni 5 Ramirez ameonekana na kupigwa picha akiwasili katika jiji la Liverpool ambapo ipo klabu hiyo ya Everton akisemekana kwenda kukamilisha usajili huo. Kocha wa Everton Ronald Koeman amekuwa akiwania saini ya mshambuliaji huyo tangu kumalizika kwa msimu wa ligi mwezi May. Sandro mwenye umri wa miaka 21 (atatimiza miaka 22 mwezi ujao) ni zao la Catalunia akitoka timu ya vijana ya Barcelona aliyoitumikia tangu 2013 kabla ya kupandishwa tumu ya wakubwa 2014/2015 alipoichezea michezo 17 na kufunga magoli 2. Mwaka 2016 alitimka Barcelona na kuhamia Malaga na endapo uhamisho huu utakamilika, atakuwa ameitumikia Malaga kwa msimu mmoja tu mpaka sasa. Ujio wa Sandro unahitajika sana na Everton kufuatia hatihati ya kuondoka kwa mshambuliaji wao tegemezi Romelu Lukaku ambaye ameshaweka wazi kuwa hatosalia katika kikosi hicho cha Merseyside huku Chelsea ikiwa imeonesha nia ya k...

The Gunners wataanza msimu kwa kuwakaribisha mabingwa wa mwaka jana Leicester City katika uwanja wao wa Emirates. Arsenal ambao kwa mara ya kwanza ndani ya miaka 21 wameshindwa kumaliza ligi katika nafasi nne za juu, watahitaji kuzichanga vyema karata zao ili kurejea kwenye makali huku Kocha Arsene Wenger akionekana kuwa bize kwenye usajili huu, huku akiwa tayari ameshaanza kusajili kwa kumsajili beki Kolasinac kutoka Shalke04. Ndani ya mwezi huohuo wa August, Arsenal watakutana na Liverpool, waliowapokonya nafasi ya nne na pengine wakatumia mchezo huo ambao ndio mechi kubwa ya kwanza, kuonyesha namna walivyojipanga msimu huu. Liverpool iliwafunga Arsena katika michezo yote miwili ya ligi kuu msimu uliopita, huku wakigombania nafasi ya nne katika mechi za lala salama. Ungwe ya mwisho itawashuhudia washika mitutu hao wakiwa ugenini kuwakabili Huddersfield Town waliopanda daraja. TAREHE MUDA MECHI 12/08/2017 15:00 Arsenal v Leicester City 19/08/2017...

Ratiba ya mabingwa wa Ligi kuu ya Uingereza 2016/2017 klabu ya Chelsea imetoka rasmi huku vijana hao wa Conte wakitarajiwa kufungua dimba na timu ya Barnley. Katika ratiba hiyo, Chelsea watakutana na mchezo mgumu mapema pale watakapokaribishwa White Hart Lane kuwakabili Tottenham katika mchezo wa pili. The Blues watamalizia msimu kwa kusafiri kwenda katika dimba la Reebock Stadium kuwakabili vijana wa Rafa Benitez, Newcastle United ambayo imepanda daraja msimu huu, ikiwa ni wiki moja baada ya kuvaana na Liverpool. RATIBA KAMILI HII HAPA: TAREHE MUDA MECHI 12/08/2017 15:00 Chelsea v Burnley 19/08/2017 15:00 Tottenham Hotspur v Chelsea 26/08/2017 15:00 Chelsea v Everton 09/09/2017 15:00 Leicester City v Chelsea 16/09/2017 15:00 Chelsea v Arsenal 23/09/2017 15:00 Stoke City v Chelsea 30/09/2017 15:00 Chelsea v Manchester City 14/10/2017 15:00 Crysta...

Ratiba ya msimu ujao wa Premier League 2072018 kwa klabu ya Manchester United imetoka huku magwiji hao wa England wakitupa karata yao ya kwanza dhidi ya wagonga nyundo wa London West Ham. Manchester United wataanza mchezo wao wa kwanza katika dimba lao la Old Traford wakiwakaribisha WestHam huku Derby ya jiji la Manchester itakayowakutanisha na Man City ikisogezwa hadi December 9 na utapigwa hapo hapo Old Traford. Derby yao kuu dhidi ya Liverpool inatarajiwa kupigwa October 14 watakapokaribishwa katika dimba la Anfield. Katika mchezo wa mwisho, Manchester wamepata bahati pia ya kumalizia katika uwanja wao wa nyumbani dhidi ya Watford. Ratiba kamili hii hapa. DATE TIME MATCH 12/08/2017 15:00 Manchester United v West Ham United 19/08/2017 15:00 Swansea City v Manchester United 26/08/2017 15:00 Manchester United v Leicester City 09/09/2017 15:00 Stoke City v Manchester United 16/09/2017 15:00 M...

Klabu ya Liverpool imetoa ratiba ya timu itakazokutana nazo msimu ujao wa 2017/2018 unaotarajiwa kuanza tarehe 12, August 2017. Katika ratiba hiyo, Liverpool wataanza ugenini kuwavaa Watford huku mechi kubwa ya kwanza itawakutanisha na Arsenal mwezi huohuo wa August tarehe 26 ikifuatiwa na mechi dhidi ya Man City. Katika mchezo wa mwisho ambapo ligi itakuwa ikimalizika hapo tarehe 13 May, Liverpool itamaliza na Brighton and Hove Albion waliopanda daraja msimu huu. Liverpool inakabiliwa na michezo mingi zaidi kwa msimu ujao kutokana na kufuzu kushiriki michuano ya ligi kuu ya mabingwa Ulaya 2017/2018 Hii hapa ndiyo ratiba nzima kwa klabu ya Liverpool msimu 2017/2018 TAREHE    MUDA   MECHI 12/08/2017   15:00   Watford v Liverpool 19/08/2017   15:00   Liverpool v Crystal Palace 26/08/2017   15:00   Liverpool v Arsenal 09/09/2017   15:00   Manchester City v Liverpool 16/09/2017   15:0...

Mchezaji wa zamani wa Arsenal Serge Gnabry (21) amesajiliwa na miamba ya Ujerumani Bayern Munich. Gnabry mwenye miaka 21 amejiunga na Bayern akitokea klabu ya Werder Bremen aliyojiunga nayo mwaka jana 2016. Katika muda mfupi alioitumikia Bremen Gnabry ameonyesha uwezo mkubwa kwa kufunga magoli 11katika mechi 27 huku akitokea sehemu ya pembeni mwa uwanja yaani akicheza kama kiungo mshambuliaji (Winga). Baada ya kukamilika kwa uhamisho huo Gnabry amesema kuwa "Ni heshima sana kuwa sehemu ya Bayern FC. Mbele yangu naona mambo mazuri nikiwa na Bayern na natizama mbele kushuhudia hayo." Alisema Gnaby. Gnaby aliuzwa na Arsenal mwaka 2016 kuelekea Werder Bremen baada ya kushindwa kupata nafasi ya kudumu katika kikosi cha Arsene Wenger. Serge Gnabry akiwa akizini akiitumikia Werder Bremen Kabla ya kuuzwa kwenda Werder Bremen, Gnabry alitolewa kwa mkopo kwenda West Bromwich msimu wa 2015/2016 ambako alicheza mechi moja tu na baada ya msimu kuisha alirejea Arsenal na ndipo ...

Ligi ya kikapu nchini marekani maarufu kama NBA imemalizika hii leo kwa timu ya Goldern State Warriors kubeba ubingwa mbele ya wapinzani wao Cleveland Caverliers kwa alama 4-1. Katika fainali hiyo ambayo ilikuwa ni ya 5, Warriors wamepata ushindi wa pointi 129 dhidi ya 120 za Caverliers na kutawazwa kuwa mabingwa wapya wa NBA kwa msimu wa 2016/2017. Ushindi huu unahitimishwa kwa fainali 5 tu kati ya 7 zilizopangwa kutokana na Warriors kuwa mbele kwa michezo 4 dhidi ya Cavs walioshinda mchezo 1 jambo linalowafanya Warriors wasiweze tena kufikiwa na Cavs hata kama wangepoteza michezo miwili iliyosalia. Staa wa Goldern State Warriors Kelvin Durrant, ametajwa kuwa mchezaji bora wa fainali za mwaka huu 2017 za NBA (NBA final MVP Player 2017) ikiwa ni msimu wake wa kwanza kuichezea Warriors baada ya kusajiliwa mwezi June 2016 akitokea Oklahoma City Thunders Durrant ameonekana kustahili tuzo hiyo baada ya kutoa mchango mkubwa zaidi kwa Warriors katika ubingwa huu, kwa kufunga pointi za...

Mashabiki wa Manchester City wameibuka ghafla kwenye mitandao mchana huu kwa ghadhabu baada ya mchezaji wao Nicolas Otamendi kumjeruhi Gabriel Jesus katika mchezo wa kimataifa baina ya timu hizo. Otamendi na Jesus wote wanatokea klabu moja ya Machester City na walikutana masaa machache leo katika mchezo uliomalizika kwa Argentina kushinda kwa goli 1-0. Otamendi alimgonga Jesus maeneo ya usoni aliporuka akitokea nyuma ya mchezaji huyo wa Brazil kuwania mpira wa juu na kupelekea Jesus kutolewa nje na machela.     Hali hiyo imeonekana kuwakera mashabiki wa Manchester City hali ilioyojidhihirisha kwenye mitandao ya kijamii kwa beki huyo kukosa umakini na kumjeruhi mwenzake. Wengine wamefikia hatua ya kumtaka kocha wa klabu hiyo Pep Guardiola amuuze beki huyo pindi tu atakaporejea klabuni hapo. Jesus akitolewa nje ya uwanja kwa Machela baada ya kuumizwa na mchezaji mwenzake wa Man City Nicolas Otamendi

Chelsea imeanzisha mazungumzo na klabu ya Everton yakutaka kumrejesha mshambuliaji wao wa zamani Romelu Lukaku (23) pale Stanford Bridge, kwa mujibu wa The Times. Lukaku ambaye klabu yake ya Everton imesema anathamani ya Paundi milioni 100 anatakuwa na Chelsea ili kuziba pengo la Diego Costa ambaye hatima yake ya kusalia katika kikosi cha Antonio Conte bado haijafahamika. Hata hivyo inaaminika kuwa Chelsea hawako tayari kutoa kiwango hicho cha fedha kwa Lukaku ila watakuwa tayari kutoa kiwango kidogo zaidi pamoja na kuwapatia mshambuliaji wao Michy Batchuayi. Kwa upande wake Batchuayi ameonyesha kutotaka kwenda Goodson Park na badala yake anatamani kujiunga na mabingwa wa Ufaransa, AS Monaco. Wiki hii Lukaku amenukuliwa akisema kuwa, hatarajii kubakia na Everton msimu ujao na kuongeza kuwa wakala wake Mino Raiola anazungumza na timu nyingine. Lukaku aliwahi kuitumikia Chelsea akisajiliwa kutoka Anderlecht 2011 ambapo aliichezea Chelsea mechi 10 tu za ligi bila kufunga goli. Baa...